Não são os mexicanos que ainda usam uns destroyers americanos da 2ªGM ?
Acertou vostede. Os mexicanos teñen 2 Gearing da 2ªGM, e o máis moderno que teñen son as 4 Knox dos ´70s.
De tódolos xeitos gustaríame comentar que cada país ten o que se pode permitir e lle é necesario. México ten 2 veciños, un demasiado forte e outro demasiado feble, como para ter máis "inimigo" que o narcotráfico, por eso veñen de mercar 3 Hawkeye ós israelíes, para vixia-lo espacio aéreo de avionetas dos narcos.
Outro caso con matices distintos é Grecia, que se leva a matar (literalmente) con Turquía pero só ten algunhas CF Adams dos 70´s e Kortenaer dos 80, a primeira vista nada impresionante, pero logo nos acercamos ó equipo e vemos como todas levan Harpoon, Sea Sparrow e as Adams incluso SM-1R, o que nos leva a unha 2ª conclusión:
Un barco non é máis ca un soporte das armas que leva. Se por exemplo o ARA King da primeira fotografía (sacada por certo da páxina oficial da ARA) tivera armamento e equiipo de primeira liña, sería un buque temible, por moito que sexa un buque con máis de 40 anos ás costas. O ARA King, nas Malvinas, tivo un importante papel no combate, derrubando cos seus Exocet MM38 2 Harriers británicos.
Así que, por favor, sexamos cautelosos á hora de falar (e de rirmonos) dos barcos dos demáis.
Hai un refrán para referírse a estas situacións:
"Mal de moitos, consolo de tontos" .
A todos nos gustaría te-lo mellor e máis novo, pero é induvidable que nos temos que conformar con menos. Que sexa para ben.
Saúdos.