Hola Luis. Primeiro que nada, un saúdo. Logo decirlle que a súa mensaxe foi interesante, pero me gustaría comentar algúns detalles:
Gustaríame falar algo da Inglaterra, pero imos deixalo de momento, posto que me interesa fixar algúns conceptos provintes do cumio da OTAN de Praga do 2.002, onde, despois da caída do muro, trocou o escenario internacional e se fixaron os tres principais obxectivos de toda forza naval dos países da organización, a saber:
1º.- Proxección. Capacidade de proxecta-lo poder lonxe das propias fronteiras
2º.- Profundidade. Capacidade de proxección do poder sobre o territorio enimigo lonxe da costa.
3º.- Persistencia. Capacidade de permanencia sobre o territorio enimigo
Pois ben, unha vez identificadas as 3 prioridades, os países deben acometer, por separado ou en conxunto, a posibilidade de abranguelas todas ou unha parte. segundo a capacidade de cada un.
É ahí onde se enmarcan as reestructuracións dos países OTAN. Reducimos escoltas, aumentamos proxección de forzas. Por eso España ou Italia constrúen LHD´s, Portugal LPD e o Benelux renuncia a unha parte do poder aéreo e terrestre, que non se pode proxectar ben por custos, ben por innecesario, e volven, como Holanda, a procurar un Rotterdam máis grande, o Johan de Witt.
Neste novo marco de proxección, Portugal aínda non fixo nada. Mentres países como o comparado por vostede Holanda xa ten o seu LPD e o seu AOR desde hai anos, a Marinha de Portugal está por comezar a sair da súa ZEE, a través dun futuro LPD e a integración da Infantería de Mariña con Italia e España na SIAF.
¿Onde entra entón toda esta nova serie de novos escoltas AAW, sexan as F-100, Horizon , De Zeven, etc?
Ten 2 razóns de ser. A modernización das frotas antigas, pensadas para combater nas costas de Europa ós submariños rusos da guerra fría, e a necesidade industrial das potencias europeas de non descolgarse nos avances técnicos. Tan certo é que todas estas novas AAW teñen difícil exportación, como que son escaparates tecnolóxicos que prestixian ós asteleiros de cara a vendas no estranxeiro de productos máis baratos.
Se Portugal mantén o seu actual ORBAT naval durante algún tempo máis, vería descer a súa importancia estratéxica no continente e no mundo. Cantos máis portugueses haxa en misións OTAN ou ONU, máis se terá en conta a opinión de Portugal á hora de organizar misións tanto na OTAN coma na ONU.
O ORBAT da Marinha é dos chamados de "augas marróns", o que implica que non pode facer frente ós novos 3 retos que a OTAN propugnou i eu repetín arriba.
O menor problema da Marinha debe ser que haxa 1 NPO nas Azores ou na Madeira, porque o mundo trocou os obxectivos. Non hai que defenderse na casa, hai que ir buscar ós enimigos aló onde teñen os séus cuarteis, os séus centros de entrenamento, os séus acubillos. Afganistán é a proba diso. Fan falla cascos grandes, sexan OHPs ou o que sexa, que dean a Portugal presencia no exterior, á espera de que chegue o LPD e un AOR.
En fin, unha opinión máis.